Azərbaycan Respublikası Təhsil nazirinin “Xüsusi istedada malik uşaqların vaxtından əvvəl I sinfə qəbulu Qaydaları”nın təsdiq edilməsi barədə 17.07.2013 - cü il tarixli, 739 № li əmrinin icrasını təmin etmək məqsədi ilə
ƏMR EDİRƏM:
1.Təhsil Nazirliyinin “Xüsusi istedada malik uşaqların vaxtından əvvəl I sinfə qəbulu Qaydaları”nın təsdiq edilməsi barədə 17.07.2013 - cü il tarixli, 739 № li əmri icra və rəhbərlik üçün qəbul edilsin.
2.“Xüsusi istedada malik uşaqların vaxtından əvvəl I sinfə qəbulu Qaydaları”nın 8-ci bəndinə uyğun olaraq valideynlərin ərizələrinin 20 iyul 2013-cü il tarixdən başlayaraq 20 avqustadək qəbul edilməsi üçün zəruri tədbirlər görülsün.
3.Təhsil İdarəsinin tabeliyində olan məktəblərdə I sinfə qəbul olunmaq istəyənlərlə müsahibənin aparılması üçün BŞTİ - nin müdirinin rəhbərliyi ilə komissiyalar yaradılsın.
(Komissiyaların tərkibi əlavə olunur).
4. Komissiyalar:
4.1 İşinə 5 avqust 2013-cü il tarixdən başlayaraq 10 sentyabr 2013-cü il tarixədək Nəsimi rayonundakı 42 № li məktəbdə saat 9.00 – dan - 18.00 –dək fəaliyyət göstərsin.
4.2 Müsahibə prosesinin obyektiv və şəffaf keçirilməsini təmin etsin.
5. Müdir müavini M.Bayramov komissiyaların iş prosesinin normal təşkilini təmin etsin.
6.Əmrin icrasına nəzarəti öz üzərimdə saxlayıram.
Əsas: Təhsil nazirinin 17.07.2013 - cü il tarixli 739 № li əmri.
Nailə Rzaquliyeva
Bakı Şəhəri üzrə
Təhsil İdarəsinin müdiri
17.07.2013-cü il
№ 224