Məktəbdənkənar təhsil sahəsi üzrə işin təşkili

 

Məktəbdənkənar təhsil sahəsi üzrə işin təşkili Bakı Şəhəri üzrə Təhsil  İdarəsinin (BŞTİ) prioritet fəaliyyət istiqamətlərindən biridir. İdarə məktəbdənkənar təhsil sahəsi üzrə işlərin tənzimlənməsinə, təhsil müəssisələri tərəfindən məktəbdənkənar təhsil  üzrə nəzərdə tutulan fəaliyyətin yerinə yetirilməsinə ümumi rəhbərliyi həyata keçirir.

Məktəbdənkənar təhsil sahəsi üzrə işin təşkili vəzifələrinə məktəbdənkənar təhsilin prioritet istiqamətlərinin formalaşdırılması və bu istiqamətlər üzrə müvafiq zəruri tədbirlərin həyata keçirilməsi, tərbiyə işinin təşkili və məktəbdənkənar təhsilin istiqamətləri üzrə təlimati sənədlərin işlənib hazırlanması, təsdiqinə nail olunması və digər öhdəliklərin yerinə yetirilməsi, uşaq, yeniyetmə və gənclərin maraq, meyil və bacarıqlarının müəyyənləşdirilməsi və оnların yaradıcılıq potensialının daha da inkişaf etdirilməsi, asudə vaxtlarının səmərəli təşkili, fiziki inkişaflarının təmin edilməsi, zərərli vərdişlərdən qorunması ilə bağlı maarifləndirmə mexanizmlərinin daim təkmilləşdirilməsi və sair məsələlər daxildir.

BŞTİ məktəblilərin asudə vaxtlarının səmərəli təşkili, habelə müxtəlif sərgi, müsabiqə, aksiya və festivallarda, idman və bilik yarışlarında,  bayram  şənliklərində  bilavasitə  iştirakının  sistemli şəkildə həyata keçirilməsini  təmin edir.

BŞTİ-nin Fəaliyyət planına uyğun olaraq məktəblilərin milli-mənəvi və ümumbəşəri dəyərlərə, milli adət-ənənələrimizə hörmət və vətənpərvərlik ruhunda tərbiyə olunması ilə əlaqədar əlamətdar günlərlə bağlı tədbirlər təşkil edilir, muharibə veteranları və torpaqlarımızın bütövlüyü uğrunda şəhid olmuş yurddaşlarımızın ailə üzvləri ilə görüşlər keçirilir, tanınmış insanların yubileyləri təhsil müəssisələrində mütəmadi olaraq qeyd edilir.  

BŞTİ-nin əmrlərinə əsasən, məktəblilərin ayrı-ayrı fənlərə olan marağının artırılması, həmin fənlər üzrə bilik səviyyəsinin müəyyənləşdirilməsi və yaradıcılıq qabiliyyətinin inkişaf etdirilməsi məqsədilə Bakı məktəbliləri arasında ənənəvi olaraq “Gənc fiziklərin, kimyaçıların, bioloqların yaradıcılıq müsabiqələri”,  “Məktəblilərin yaradıcılıq işlərinin sərgi-müsabiqələri”  keçirilir.

Fəaliyyət planına əsəsən, məktəbdənkənar fəaliyyətin təşkili, dərnək şəbəkəsinin  genişləndirilməsi, şagirdlərin dərnəklərə daha fəal cəlb edilməsi, tərbiyə işinin möhkəmləndirilməsi, müasir təlim metodları və texnologiyaların məktəbdənkənar təhsil müəssisələrinin tədris prosesində tətbiqi ilə əlaqədar müxtəlif tədbirlər həyata keçirilir, qabaqcıl və yaradıcı işçilərin təcrübələrinin öyrənilməsi və yayılması ilə bağlı işlər aparılır.

Müxtəlif idman növləri üzrə Respublikanın daxilində  və xarici ölkələrdə keçirilən yarışlarda gənc idmançıların iştitrakı təmin edilir.

Hazırda BŞTİ-nin  tabeliyində 5  Uşaq-gənclər inkişaf mərkəzi (məktəbdənkənar təhsil müəssisəsi) fəaliyyət göstərir

Uşaq-gənclər inkişaf mərkəzlərində cari tədris ilində 33 dərnəkdə 9468 dərnək üzvünün təlim-tərbiyəsi ilə 318 pedaqoji işçi məşğul olur.

 

Bakı Şəhəri üzrə Təhsil İdarəsinin tabeliyində fəaliyyət göstərən Uşaq-gənclər inkişaf mərkəzləri haqqında statistik məlumat

 

Müəssisənin adı

Qrup sayı

Uşaq sayı

Pedaqoji işçi

 

1.

4 nömrəli  Uşaq-Gənclər  İnkişaf  Mərkəzi

156

2250

65

2.

5  nömrəli  Uşaq-Gənclər  İnkişaf  Mərkəzi

136

2040

76

3.

6  nömrəli  Uşaq-Gənclər  İnkişaf  Mərkəzi

133

1965

68

4.

7  nömrəli  Uşaq-Gənclər  İnkişaf  Mərkəzi

106

1572

45

5.

8  nömrəli  Uşaq-Gənclər  İnkişaf  Mərkəzi

122

1641

64

CƏMİ

653

9468

 

318