Bakı şəhəri 46 №-li Məktəbdənkənar Tərbiyə İşi Mərkəzində 2015/2016-cı dərs ilinin II yarımilində təşkil edilən “Uşaqlar və Yol Təhlükəsizliyi layihə”sində fərqlənən müəllimlərin təqdimat mərasimi keçirilmişdir. Təqdimatda Azərbaycan Respublikası Daxili İşlər Nazirliyinin Baş Dövlət Yol Polis İdarəsinin şöbə rəisləri polis polkovniki Mübariz Şahbazov, polis polkovniki Kamran Əliyev, polis polkovnik leytenantı Deystani İsa, Bakı Şəhər Dövlət Yol Polisi İdarəsinin bölmə rəisi, polis polkovniki Vaqif Əsədov, Bakı Şəhər Dövlət Yol Polisi İdarəsinin polis leytenantı Vüsal Nağıyev, Bakı Şəhər Baş Polis İdarəsinin yetkinlik yaşına çatmayanlarla iş bölməsinin əməkdaşı polis mayoru Kəmalə Ələkbərova, Avtosfer.Az.saytının rəhbəri Elməddinli Muradlı, “Həyat” Humanitar Təşkilatının rəhbəri, ekspert Azər Allahverənov, Bakı şəhəri 21, 31, 42, 126, 144 nömrəli məktəblərin, Avropa liseyinin fərqlənən müəllimləri iştirak etmişlər.
Fərqlənən müəllimlər üçün 46 №-li Məktəbdənkənar Tərbiyə İşi Mərkəzində maarifləndirici məşğələlər təşkil edilmiş və daha sonra müəllimlər dərs dediyi şagirdlərə “Uşaqlar və yol təhlükəsizliyi” mövzusunda seminarlar keçmişdir.
Ümumilikdə 19 müəllim və “Yol Polisinin Gənc Köməkçiləri” komandasının üzvləri Daxili İşlər Nazirliyi Baş Dövlət Yol Polis İdarəsinin Fəxri fərmanları ilə təltif olundular.
Eyni zamanda Mərkəzin şöbə müdiri Fəridə Süleymanova uşaqlarla bağlı yol nəqliyyat hadisələrinin profilaktikasında fəal iştirakına və layihənin uğurla icrasına görə Fəxri fərman ilə təltif olunmuşdur.
Təqdimat Mərkəzin dərnək üzvlərinin konsert proqramı ilə başa çatmışdır.