Rusiyanın Soçi şəhərində 2015 – ci il aprel ayında keçirilən Gənc həmvətənlilərin I Dünya Oyunlarında şahmat idman növü üzrə Respublikamızı Bakı şəhəri 2 nömrəli Uşaq-Gənclər İdman Məktəbinin gənc şahmatçıları Andrey Mustafin, Kənan Qarayev , Əhməd Əhmədzadə , Aytac Heydərova və komandanın məşqçisi Ələkbər Məmmədov təmsil etmişlər .
İsveçrə sistemi ilə keçirilən və 11 turdan ibarət olan yarışlarda 26 ölkədən ümumilikdə 23 qız, 67 oğlan şahmatçı iştirak etmişdir.
Yarışın yekun mərhələsində əsasən FİDE ustalarından ibarət olan Rusiya yığmasından sonra Azərbaycan komandası 30 .0 xal toplayaraq komandalar arasında fəxri II yerə layiq görülərək kubok , medal və diplomla təltif olunmuşdur.
Bakı şəhəri 2 № - li Uşaq - Gənclər Şahmat İdman Məktəbinin yeniyetmə şahmatçısı Aytac Heydərova - 8. 0 xal toplayaraq qızlar arasında keçirilən şəxsi yarışlarda III yeri tutmuş , bürünc medala və diploma layiq görülmüşdür.
Onu da qeyd etmək lazımdır ki, Azərbaycanı təmsil edən 2 № - li Uşaq - Gənclər Şahmat İdman Məktəbinin yetirmələri bu yarışın ən gənc şahmatçıları olmuşlar.