Aprelin 24-də 201 nömrəli tam orta məktəbdə Sülhə gəlin ey insanlar!..” adlı ədəbi-bədii gecə keçirilib. Tədbirdə Nizami rayonu İcra başçısı Tahir Budaqov və İcra Hakimiyyətin digər nümayəndələri, Millət vəkili Rasim Musabəyov , Müharibə veteranları , KİV nümayəndələri, məktəb direktorları, müəllimlər, valideynlər və şagirdlər iştirak edib.
Tədbir iştirakçıları əvvəlcə Böyük Vətən müharibəsinə həsr edilmiş sərgi ilə tanış olublar. Sərgidə müharibəyə aid sənədlər, sovet İttifaqı qəhrəmanları, veteranlara aid sənədlər və medallar, müharibədə həlak olanların xatirəsinə ucaldılmış abidələrin fotoları nümayiş edilib.
Bundan başqa, sərgidə məktəbin “ Palitra rəsm” studiyasının üzvlərinin Böyük Vətən müharibəsinə həsr edilmiş 70-dən çox rəsmləri nümayiş etdirilib.
Sonra məktəbin şagirdləri “ Sülhə gəlin ey insanlar !..” mövzusunda ədəbi-bədii kompozisiya nümayiş etdiriblər.
Sonda qonaqlar və veteranlar çıxış edərək tədbir haqqında fikirlərini bildiriblər. Onlar tədbirin yüksək səviyyədə təşkil olunduğuna görə bütün müəllim və şagird kollektivinə təşəkkür ediblər.