Bakı şəhəri 46 nömrəli Məktəbdənkənar Tərbiyə Mərkəzinin Yol Polisinin Gənc Köməkçiləri komandasının 21 üzvü “Mən böyümüşəm” əyləncəli uşaq verilişində iştirak etmişlər. Məktəblilər çıxış edərək bütün hərəkət iştirakçılarının maarifləndirilməsinin zəruriliyindən, təhlükəsizlik kəmərindən istifadənin vacibliyindən, əcaib səs siqnallarından, standartlara uyğun olmayan ksenon lampaların quraşdırılmasından, sutkanın qaranlıq vaxtında tünd rəngli geyimlərin qəzalara səbəb olmasından danışmışlar.
Yol Polisinin Gənc Köməkçiləri komandasının üzvləri televiziya vasitəsilə öz həmyaşıdlarını yollarda daha diqqətli və məsuliyyətli olmağa, kiçik yaşlarından yol hərəkəti qaydalarını öyrənməyə, ona əməl etməyə çağırmış və onlara verilən sualları cavablandırmışlar.
Verilişdə Mərkəzin rəqs qrupu “Polis marşı” rəqsi ilə çıxış etmişdir.