19.07.2017

Paytaxt məktəbliləri üçün bölgələrdə yay düşərgələri 

Bakı məktəbliləri üçün Qusar və Quba rayonları ərazisində yay düşərgələri təşkil edilib.

Paytaxtın Səbail rayonu ümumi təhsil müəssisələrinin 150-dən çox şagirdi Qusar şəhərindəki, Nəsimi rayonu məktəblərində təhsil alan 200 şagird isə Qubada təşkil olunan yay istirahət düşərgələrinə yola salınıb.   

Məktəblilər düşərgələrdə dincəlməklə yanaşı, Qusar və Quba rayonlarının ərazisindəki səfalı və tarixi yerləri gəzir, idman yarışlarında, intellektual oyunlarda iştirak edirlər. Həmçinin, şagirdlər hərbi hissələrdə əsgərlərin gündəlik həyatı, hərbi hissədəki şərait, ordumuzun silah və texnikası ilə yaxından tanış olurlar.

Düşərgələrin təşkil edilməsində əsas məqsəd məktəblilərin yay istirahətinin səmərəli keçməsini, onların sağlam böyüməsini, gənc nəslin Vətənə məhəbbət, Azərbaycan dövlətçiliyinə sədaqət ruhunda tərbiyə olunmasını təmin etməkdən ibarətdir.