İyul ayının 28 – də ali məktəblərə keçirilən IV ixtisas qrupu üzrə qəbul imtahanlarının nəticələri açıqlanıb. Bu qrup üzrə iki nəfər 700 bal toplayıb.  Onlardan biri Bakı Şəhəri üzrə Təhsil İdarəsinin tabeliyində olan  98 saylı məktəbin məzunu Osman Müslümovdur.

Qeyd edək ki, III ixtisas qrupu üzrə iyulun 14 – də keçirilən imtahanda Bakının daha bir məzunu, 258 saylı orta məktəbin şagirdi Məhəmməd İsmayılov da maksimal nəticə əldə etmişdi. Onu da vurğulayaq ki, Məhəmməd həm də qızıl medala layiq görülən məzun - şagirdlərimizdən biridir.