02.03.2018

VI Könüllülük Proqramına qatılmaq istəyənlərin nəzərinə!

Bakı Şəhəri üzrə Təhsil İdarəsi VI Könüllülük Proqramına qatılmaq arzusunda olan gəncləri əməkdaşlığa dəvət edir.

Könüllü kimi fəaliyyət göstərmək istəyən gənclər İdarənin müxtəlif sektorlarında, xidmət bölmələrində və Təlimə Dəstək Mərkəzində 3 ay səmərəli  təcrübə keçmək imkanı qazanacaqlar.

İntizamlı, xoşrəftar, kollektivdə çalışmaq istəyi olan, kompüterdə işləməyi bacaran, xarici dil biliklərinə malik, ali təhsilli və ya təhsil müəssisələrinin son kursunda oxuyan gənclər könüllü kimi fəaliyyət göstərmək üçün müraciət edə bilərlər.

VI Könüllülük Proqramına qatılmaq istəyən gənclərdən tərcümeyi hallarını 2-26 mart 2018-ci il tarixlərində konullu@baku.edu.gov.az elektron poçtuna göndərmələri xahiş olunur.

 

Aşağıdakı sektorlara uyğun ixtisaslar üzrə müraciət etməyiniz xahiş olunur:

  •  Ümumi təhsil sektoru
  •  İnsan resursları sektoru
  • İnformasiya təminatı sektoru
  • İnkişaf layihələri sektoru
  • Maliyyə və mühasibatlıq sektoru; xidmət bölmələri
  • Məktəbdənkənar fəaliyyətin təşkili sektoru
  • İctimaiyyətlə əlaqələr sektoru
  • Hüquq sektoru
  • Təminat və təchizat sektoru
  • Ümumi sektor
  • Təlimə Dəstək Mərkəzi

             Qeyd edək ki 3 ay müddətində könüllü kimi uğurla fəaliyyət göstərən gənclərin hər birinə BŞTİ tərəfindən arayış veriləcək.

 

Əlaqə telefonu: (012) 599-12-22 (daxili: 6111, 6114)