Sual (məlumat) xarakterli müraciətinizi Bakı Şəhəri üzrə Təhsil İdarəsinin 146-1 Çağrı Mərkəzinə zəng etməklə ünvanlaya bilərsiniz.

Şikayət xarakterli müraciətinizi PORTAL.EDU.AZ platformasında qeydiyyatdan keçərək “Vətəndaş müraciətləri” bölməsindən şəxsi kabinet vasitəsilə Bakı Şəhəri üzrə Təhsil İdarəsinə elektron qaydada göndərməyiniz tövsiyə olunur.

Təhsil arayışları və həlli əlavə araşdırma tələb edən məsələlərlə bağlı müraciətləri ətraflı şəkildə Bakı Şəhəri üzrə Təhsil İdarəsinə kağız üzərində (yazılı) poçt vasitəsilə göndərməyiniz tövsiyə olunur.
Müraciətinizi tərtib edərkən qeyd edilən tələblərə riayət etməyiniz xahiş olunur:
Müraciət edən şəxsin (sizin) əlaqə məlumatlarını düzgün qeyd edin.
Müraciətin məzmununun oxunaqlı, təfsilatlı və dəqiq olmasına diqqət edin.
Müraciətinizi Bakı Şəhəri üzrə Təhsil İdarəsinin rəsmi poçt ünvanına (Ünvan: AZ 1007, Azərbaycan Respublikası, Bakı şəhəri, Xan Şuşinski, 51) göndərin.
Qeyd: Portal.edu.az platforması vasitəsilə daxil olmuş elektron müraciətin orta icra müddəti yazılı kağız üzərində edilmiş müraciətin qanunda nəzərdə tutulmuş icra müddətindən 3 dəfə qısadır.

Vətəndaşların qəbulu Bakı Şəhəri üzrə Təhsil İdarəsinin vətəndaşların qəbulu mərkəzi tərəfindən həyata keçirilir:
-Bakı Şəhəri üzrə Təhsil İdarəsinin Vətəndaşların qəbulu mərkəzi – Bakı şəhəri, Xan Şuşinski 51, https://goo.gl/maps/TpNkoginbY6EUx3A6

Bununla yanaşı, vətəndaşlar aşağıda qeyd olunan "ASAN xidmət" mərkəzlərinə yaxınlaşmaqla müvafiq təhsil xidmətlərindən yararlana bilərlər:

• 5 saylı Bakı "ASAN xidmət" mərkəzi
• 6 saylı Bakı "ASAN xidmət" mərkəzi
• 7 saylı Bakı "ASAN xidmət" mərkəzi

Elm və Təhsil Nazirliyi tərəfindən vətəndaşlara "ASAN xidmət" mərkəzlərində göstərilən xidmətlərə aşağıdakılar aiddir:
-Təhsil sahəsində vətəndaş müraciətləri üzrə məsləhətçi xidməti;
-Cari təhsilalanlar üçün elektron təhsil arayışları;
-Ümumi təhsil müəssisələrinin birinci siniflərinə şagird qəbulu 1 (qeydiyyat);
-Şagirdlərin elektron yerdəyişməsi (qeydiyyat);
-Təhsil tələbə kreditinə elektron müraciət (qeydiyyat);
-Uşaqların məktəbəhazırlıq qruplarına elektron qeydiyyatı;
-Məktəbəqədər təhsil müəssisələrinə elektron qeydiyyat;
-Ali təhsil pilləsinin magistratura səviyyəsi üzrə elektron sənəd qəbulu;
-Ali təhsil pilləsinin bakalavr səviyyəsi üzrə elektron sənəd qəbulu.

Vətəndaşlar Bakı Şəhəri üzrə Təhsil İdarəsinin rəhbər vəzifəli şəxslərinin qəbuluna yazılmaq üçün çağrı mərkəzinin "146-1" nömrəli telefonuna zəng edə, İdarənin Vətəndaşların Qəbulu Mərkəzinə yaxınlaşaraq yazıla, yaxud Portal.edu.az saytı vasitəsilə müraciət ünvanlaya bilərlər.

QƏBULA MÜRACİƏT

RƏHBƏR VƏZİFƏLİ ŞƏXSLƏRİN QƏBULU QRAFİKİ