Alternativ qeydiyyat mərkəzlərinin iş prinsipi dəyişdirilib

Mövcud sanitar-epidemioloji vəziyyətlə əlaqədar ümumi təhsil müəssisələrinin məktəbəhazırlıq qruplarına elektron qeydiyyat prosesində valideynlərə kömək məqsədilə yaradılmış Alternativ qeydiyyat mərkəzlərinin iş prinsipi dəyişdirilib.

Belə ki, özü elektron qeydiyyatdan keçə bilməyən valideynlərə Alternativ qeydiyyat mərkəzlərinə gəlmədən, müəyyən edilmiş “Whatsapp” nömrələri  (+994 55 892-27-51, +994 55 892-95-89, +994 55 892-63-90) vasitəsilə zəruri köməklik göstərilib.

Bütün digər hallarla bağlı isə valideynlər şəxsi kabinetlərindəki "Əlaqə" bölməsinə yazaraq müraciət edə biliblər.

Bu yenilik valideynlərin əlavə vaxt itkisinin qarşısının alınması, növbəliliyin aradan qaldırılması və mövcud sanitar-epidemioloji vəziyyətlə əlaqədar müvafiq normaların qorunması məqsədilə tətbiq olunub.