Onlayn Apellyasiya komissiyası

 

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrinin tədris digər dildə aparılan birinci siniflərinə uşaqların qəbulu ilə bağlı təşkil olunmuş müsahibənin nəticəsi üzrə vətəndaşların müraciətlərinə baxılması üçün onlayn Apellyasiya komissiyası fəaliyyət göstərir.

Valideynlər 6 may-17 iyun tarixlərində apellyasiya@baku.edu.gov.az elektron poçt ünvanı vasitəsilə Apellyasiya komissiyasına müraciət edə bilərlər. 

Qeyd edək ki, 26 may tarixindən etibarən apellyasiya komissiyasının fəaliyyətinə start verilib. Apellyasiya komissiyasına edilən müraciətlərə 19 iyun tarixinədəq baxılacaq.

Onu da qeyd edək ki, ümumi təhsil müəssisələrinin tədris digər dildə aparılan bölmələri üzrə uşaqların I sinfə qəbulu üçün keçirilən onlayn müsahibə prosesi zamanı obyektivlik və şəffaflığın tam təmin olunması üçün videoçəkiliş aparılır.

Onlayn Apellyasiya komissiyasının yaradılmasının əsas məqsədi mövcud sanitar-epidemioloji vəziyyətdə vətəndaşların müraciətlərinə obyektiv və hərtərəfli baxılması, müraciətlərin tənzimlənməsi istiqamətində tədbirlər həyata keçirilməsi, təhsil haqqında qanunvericiliyə və digər normativ aktlara uyğun qərarların qəbul olunmasının təmin edilməsindən ibarətdir.