18.03.2025
Kitabxana müdiri və kitabxanaçı vəzifəsinə işə qəbul müsabiqəsinə dair elan
Ümumi məlumat:
Kitabxana müdiri və kitabxanaçı ümumtəhsil müəssisəsində kitabxanaya daxil olan ədəbiyyatın qəbulunu və kitabxananın fondunun uçotunu apararır, kitabxananın fondunun və kataloqlarının elmi əsaslarla təşkilini təmin edir, informasiya daşıyıcılarının saxlanılmasını, sistemləşdirilməsini və yerləşdirilməsini təmin edir, kitabxananın fondunu və əmlakını qoruyub mühafizə edir, ümumi təhsil müəssisəsinin apardığı tədris və tərbiyə işlərinə kömək etmək məqsədi ilə müvafiq biblioqrafik göstəricilər, ədəbiyyat siyahıları hazırlayır, müxtəlif yaş qrupuna daxil olan oxucular üçün uyğun ədəbiyyatı və informasiya resurslarını müəyyənləşdirir.
Kitabxana müdiri və kitabxanaçı bunları bilməlidir:
- “Təhsil haqqında” Azərbaycan Respublikasının Qanununu (https://e-qanun.az/framework/18343);
- “Ümumi təhsil müəssisəsinin kitabxanasının Nümunəvi Əsasnaməsi”ni ( https://e-qanun.az/framework/33259)
- “Kitabxana işi haqqında” Azərbaycan Respublikasının Qanunu (https://e-qanun.az/framework/5041);
- Kitabxanaşünaslıq və biblioqrafiyanı;
- Oxuculara xidmətin əsaslarını;
- Kitabxana fondunun uçotunu və saxlanmasını (https://e-qanun.az/framework/881);
- Kitabların qəbul edilmiş beynəlxalq təsnifat sistemini və kataloqun tərtibi normalarını;
- Kitabxana, informasiya-kommunikasiya texnologiyalarından istifadə tələblərini;
- İnformasiyanın axtarılması strategiyası və texnikasını;
- Əmək qanunvericiliyini (https://e-qanun.az/framework/46943) ;
- Əməyin mühafizəsini (https://e-qanun.az/framework/11166) ;
- Texniki təhlükəsizlik haqqında qanunu (https://e-qanun.az/framework/21) ;
- Sanitariya, gigiyena və təhlükəsizlik qaydalarını (https://e-qanun.az/framework/24095);
- Yanğından mühafizənin norma və qaydalarını (https://e-qanun.az/framework/10933);
Namizədə olan tələblər:
|
Mütləq |
Arzu olunan |
|
|
Kitabxana müdiri: orta ixtisas təhsili, kitabxana işi sahəsində 5 ildən az olmayaraq əmək stajı, ali kitabxanaçılıq və ya ali pedaqoji təhsil, 3 ildən az olmayaraq kitabxana işi sahəsində əmək stajı (kitabxanaçılıq ixtisası üzrə təhsili olanlara üstünlük verilir) |
Təhsil sahəsində iş təcrübəsi |
|
|
Kitabxanaçı; ümumi orta təhsil və 3 ildən az olmayaraq əmək stajı, orta ixtisas təhsili (kitabxanaçılıq ixtisası üzrə təhsili olanlara üstünlük verilir) |
||
|
|
||
|
Kitabxana sistemlərində işləmə bacarığı kitabxananın fonduna daxil olan çap məhsullarının və elektron resursların qeydiyyatını təmin etmək |
Plana uyğun iş və hesabat hazırlama bacarığı |
|
|
kitabxana fondunun uçot kitabında müntəzəm qeydlər aparmaq |
Word, Excel, Power Point, internet resurslarından istifadə bacarığı |
|
|
kitabxana fonduna daxil olan çap məhsullarının və elektron resursların ənənəvi və elektron kataloqlarını tərtib etmək |
|
|
|
kitabxanaya daxil olan dövri nəşrlərin müvafiq təsnifata uyğun kartotekasını yaratmaq |
|
|
|
yeni ədəbiyyat haqqında oxuculara müntəzəm olaraq məlumat vermək (yeni kitabların sərgisini keçirmək, yeni daxil olan ədəbiyyata dair bülletenlər hazırlamaq |
|
|
|
kitabxana xidmətinin səviyyəsini müntəzəm olaraq artırmaq |
|
|
İş şəraiti:
- Kitabxanaçılar üçün qanunvericiliklə müyyən edilmiş iş rejimi;
- Müəllim, şaqird və valideynlərlə əməkdaşlıq mühiti;
- Müəssisənin daxili qaydalarına riayət etmək.
Gözləntilər:
- Ümumtəhsil müəssisəsinin rəhbərliyi və əməkdaşları ilə sıx əməkdaşlıq;
- Kitabxananın idarə olunmasında dəqiqlik və məsuliyyət;
- Kitab fondunun təşkili və idarə olunmasında beynəlxalq təcrübənin araşdırılması.
Müsabiqə prosesi: Müsabiqə 4 mərhələdən ibarətdir: qeydiyyat, test imtahanı, müsahibə və vakant yer üzrə yerləşdirilmə
- Qeydiyyat mərhələsi: Namizədlər (link) vasitəsilə qeydiyyatdan keçməlidirlər. Məlumatlar yoxlanıldıqdan sonra müsahibəyə dəvət olunan namizədlərə SMS bildirişi göndəriləcək.
- Test mərhələsi: Test mərhələsində namizədlərə 90 dəqiqə ərzində 40 sual təqdim ediləcək.
- Vəzifə üzrə hər biri 2 bal olmaqla 20 sual
- İKT səriştələri üzrə hər biri 1 bal olmaqla 10 sual
- Məntiq üzrə hər biri 1 bal olmaqla 10 sual
- Keçid balı: minimum 35 bal
- Müsahibə mərhələsi: Müsahibə mərhələsində namizədə 15-20 dəqiqə ərzində ixtisas üzrə açıq və praktik suallar veriləcək.
- Vakant yer üzrə yerləşdirilmə mərhələsi:
- Müsabiqənin vakansiya seçimi mərhələsində əvvəlcə vakant yer seçmək imkanı kitabxana müdiri/kitabxanaçı vəzifəsinə işə qəbulu üzrə müsabiqədə minimum tələbi ödəyən şəhid ailəsi üzvlərinə veriləcək.
- Yerləşdirmə zamanı müsabiqəni uğurla keçən namizədlər müsahibə nəticələrinə görə müvafiq vakant yerlərə yerləşdiriləcəklər.
- Eyni bal toplayan namizədlər üçün aşağıdakı meyarlara əsasən prioritet veriləcək:
- Kitabxanaçılıq ixtisası üzrə təhsil(ali, orta ixtisas);
- Təhsil səviyyəsi (magistr, bakalavr, subbakalavr) ;
- İş təcrübəsinin çoxluğu.
Uğurla keçib yerləşdirilməyən şəxslər isə ehtiyat kadr bazası siyahısına daxil ediləcəklər. Ehtiyat kadrlar bazasına daxil olan şəxslərin vakant vəzifəyə yerləşdirilməsi növbəti kitabxana müdiri/kitabxanaçı vəzifəsinə işə qəbul müsabiqəsinin elan olunmasına qədər həyata keçirilə bilər, lakin iki ildən artıq müddəti nəzərdə tutulmur.
Müsabiqədə iştirak edən namizədlərə uğurlar arzulayırıq!
Müsabiqədə iştirak etmək üçün qeydiyyat: https://docs.google.com/forms/d/e/1FAIpQLScPFy9Fja1XKYf6L2FRrcn2aP7qivdNZ5Q7TA52Ar_pW_whTw/viewform?usp=header
Nəzərinizə çatdırılır ki, məlumatların düzgünlüyü ilə bağlı məsuliyyəti namizəd özü daşıyır. Məlumatlarda uyğunsuzluq olduğu təqdirdə müsabiqənin istənilən mərhələsində həmin namizəd üçün işə qəbul prosesi dayandırıla bilər. Xahiş olunur ki, məlumatları daxil edərkən diqqətli olasınız.
