“Uşaq və gənclərin azərbaycançılıq ideologiyası ruhunda tərbiyəsi” mövzusunda  müsabiqə-konfransın  keçirilməsi barədə Bakı Şəhəri üzrə Təhsil İdarəsi müdirinin əmri

“Ümumi təhsil sahəsində 2018-2019-cu dərs ilinin prioritet fəaliyyət istiqamətləri barədə” Azərbaycan Respublikası təhsil nazirinin 14.08.2018-ci il tarixli F-550 nömrəli əmrinin icrasını təmin etmək, uşaq  və gənclərin milli ideologiyamız olan azərbaycançılıq məfkurəsi əsasında tərbiyə edilməsi, onların mütərəqqi dünyagörüşə malik şəxsiyyətlər kimi formalaşdırılması və xalqımızın  milli-mənəvi dəyərlərinə  sadiq  vətənpərvər ruhlu gənclər kimi böyüməsi istiqamətində aparılan işləri daha da gücləndirmək məqsədilə “Bakı Şəhəri üzrə Təhsil İdarəsi haqqında” Əsasnamənin  15.6-cı bəndini rəhbər tutaraq

 

ƏMR EDİRƏM:

 

1. Bakı şəhəri ümumi təhsil müəssisələrinin rəhbərləri, tanınmış təhsil mütəxəssisləri və  qabaqcıl  müəllimlərin iştirakı  ilə “Uşaq və gənclərin  azərbaycançılıq ideologiyası ruhunda tərbiyəsi” mövzusunda müsabiqə-konfrans məktəb, rayon və şəhər üzrə olmaqla  üç mərhələdə təşkil  edilsin və   2019-cu ilin  fevral-mart aylarında keçirilsin.

2. Müsabiqə-konfransın əsasnaməsi, təşkilat komitəsinin tərkibi təsdiq edilsin (əlavə olunur).

3. Müsabiqə-konfransın məktəb və rayon mərhələlərinin müsabiqə, şəhər mərhələsinin konfrans şəklində keçirilməsi nəzərə alınsın.

4. Ümumi təhsil müəssisələrinin direktorları təqdim olunan əsasnaməyə uyğun olaraq müsabiqə-konfransın məktəb mərhələsinin keçirilməsini təmin etsinlər və seçilmiş tədqiqat  işlərini  təşkilat komitəsinə təqdim etsinlər.      

5. Bakı Şəhəri üzrə Təhsil İdarəsinin İnkişaf layihələri sektoruna (A.Tairquliyeva-Nağıyeva), Ümumi təhsil sektoruna (S.Bektaşi) və Təlimə Dəstək Mərkəzinə (Z.Ələkbərova)  tapşırılsın: 

5.1. “Uşaq və gənclərin azərbaycançılıq ideologiyası ruhunda tərbiyəsi” mövzusunda  müsabiqə-konfransın keçirilməsi ilə bağlı ümumi təhsil müəssisələrini   təlimatlandırsın;

5.2. Müsabiqə-konfransa hazırlıqla bağlı məsələlərin həllində ümumi təhsil müəssisələrinə köməklik göstərilməsini təmin etsin;

5.3. Ümumi təhsil müəssisələrinin  müsabiqə-konfransda yüksək səviyyədə iştirakını təmin etsin.

6. Maliyyə və mühasibatlıq sektoru (E.Mehdiyeva) müsabiqə-konfransın icrasından irəli gələn maliyyə məsələlərini həll etsin.

7. Təminat və təchizat sektoru (Ş.İsgəndərov) müsabiqə-konfransın  icrasından irəli gələn təchizat məsələlərini həll etsin.

8. İctimaiyyətlə əlaqələr sektoru (B.Məmmədov) əmrin İdarənin internet saytında  yerləşdirilməsini  və müsabiqə-konfransda seçilən  ən yaxşı tədqiqat işlərinin kütləvi informasiya vasitələri tərəfindən işıqlandırılmasını  təmin etsin. 

9. Ümumi sektor (S.Rəsulova) əmrin əlavələrlə birlikdə çoxaldılıb yerlərə çatdırılmasını təmin etsin.

10. Əmrin icrasına nəzarət müdir müavini  H.Əsgərova  həvalə edilsin.

Əsas: Azərbaycan Respublikası təhsil nazirinin “Ümumi təhsil sahəsində                 2018-2019-cu dərs ilinin prioritet fəaliyyət istiqamətləri barədə” 14.08.2018-ci il tarixli        F-550 nömrəli əmri.

 

                 

 

Rəşad Tağıyev,

Bakı  Şəhəri  üzrə Təhsil İdarəsinin müdiri 

12  fevral 2019-cu il

                                                                                        № F-96

 


 

Uşaq və gənclərin azərbaycançılıq ideologiyası ruhunda tərbiyəsi” mövzusunda müsabiqə-konfransın keçirilməsi barədə Əsasnamə