Bakı Şəhəri üzrə Təhsil İdarəsinin “Əmrin icrası barədə” 11 mart 2019-cu il tarixli F-123 nömrəli  əmrinin icrasını təmin etmək məqsədilə

ƏMR EDİRƏM:

1.Bakı Şəhəri üzrə Təhsil İdarəsinin və Azərbaycan Respublikası Təhsil Nazirliyinin birbaşa tabeliyindəki ümumtəhsil müəssisələri, o cümlədən Bakı şəhərində yerləşən məcburi köçkün məktəblərinin direktorları:

1.1. 2019-2020-ci dərs ili üçün I sinfə elektron sistem vasitəsilə qeydiyyatdan keçirilmiş uşaqların sənədlərinin yoxlanılması və qəbul edilməsi üçün rəhbərlik edilən təhsil müəssisələrində məsul şəxslərin təyin edilməsini;

1.2. məsul şəxslərin fəaliyyəti üçün binanın məqsədəmüvafiq hissəsində telefon rabitəsi və davamlı internet bağlantısı ilə təmin edilmiş otaq ayrılmasını;

1.3. sənəd qəbulu ilə əlaqədar zəruri məlumatları əhatə edən elanların (təqdim olunacaq sənədlər, sənədlərin qəbul günləri və saatları, sənədləri qəbul edən məsul şəxsin adı, soyadı, iş telefonu, elektron poçt ünvanı) binanın girişində nəzərəçarpan hissədə yerləşdirilməsini;

1.4. valideynlər arasında elektron ərizə qəbulu ilə bağlı maarifləndirmə işlərinin aparılmasını;

1.5. ərizələrin elektron qeydiyyatı və uşaqların I sinfə qəbulu prosesində baş vermiş hər hansı gözlənilməz hadisə barədə Bakı Şəhəri üzrə Təhsil İdarəsində fəaliyyət göstərən işçi qrupuna dərhal şifahi və yazılı məlumat verilməsini təmin etsinlər.

2. Vətəndaşlara I sinfə elektron sistem vasitəsilə ərizələrin qeydiyyatı məsələlərində kömək göstərilməsi məqsədilə  Binəqədi rayonu üzrə 83, 102, 182,  297, 313 nömrəli , Nərimanov rayonu üzrə 57, 82, 177 nömrəli, Nəsimi rayonu üzrə 19 ,44, 247 nömrəli, Nizami rayonu üzrə 129, 145, 214, 272 nömrəli, Qaradağ rayonu üzrə 110, 180, 195, 228, 274, 288 nömrəli, Pirallahı rayonu üzrə 235 nömrəli, Sabunçu rayonu üzrə  69, 74, 75, 78, 128, 130, 170 nömrəli, Səbail rayonu üzrə 7, 163, 236 nömrəli, Suraxanı rayonu üzrə  76, 84, 279, 285,315 nömrəli, Xətai rayonu üzrə 17, 24, 116, 165, 191 nömrəli, Xəzər rayonu üzrə 120, 136, 156, 181, 234 nömrəli və Yasamal rayonu üzrə 18, 21, 60 nömrəli tam orta məktəblərdə Alternativ qeydiyyat mərkəzləri yaradılsın və  həmin məktəblərin direktorlarına tapşırılsın ki, Alternativ qeydiyyat mərkəzlərinin fəaliyyəti ilə bağlı zəruri məlumatları əhatə edən elanların yerləşdirilməsini təmin etsinlər;

3. Ümumi sektor (S.Rəsulova) bu əmrin çoxaldılaraq yerlərə çatdırılmasını, İctimaiyyətlə əlaqələr sektoru (B.Məmmədov) İdarənin internet saytında yerləşdirilməsini təmin etsin.

4. Müdir müavini (N.Səfərova) əmrin icrası ilə əlaqədar maliyyə məsələlərini həll etsin.

5. I sinfə elektron ərizə qəbulu üzrə Bakı Şəhəri üzrə Təhsil İdarəsində yaradılmış işçi qrupu bu əmrdən irəli gələn vəzifələrin icrasını təmin etsin.

6. Əmrin icrasına nəzarət müdir müavini İlhamə Abdullayevaya həvalə edilsin.

Əsas: Bakı Şəhəri üzrə Təhsil İdarəsinin  11 mart  2019-cu il tarixli F-123 nömrəli əmri.

Rəşad Tağıyev,

Bakı  Şəhəri  üzrə Təhsil İdarəsinin müdiri 

12  mart  2019-cu il

                                                                                        № F-129