Bakı şəhəri 32 nömrəli tam orta məktəbdə “Mən tolerantlığı necə başa düşürəm” mövzusunda tədbir təşkil olunub.
Tədbirdə şagirdlərə tolerantlıq termini, tolerantlıq günü və bu günün yaranması tarixi haqqında məlumat verilib.Şagirdlərin tolerantlıqla bağlı maarifləndirilməsi məqsədi ilə keçirilən tədbirdə qeyd edilib ki, bir çox millətlərin və dini konfessiyaların dinc yaşamasının unikal nümunəsi olan Azərbaycanda tarixən heç vaxt milli və dini zəmində ayrı-seçkilik və qarşıdurma baş verməyib, qarşılıqlı etimada və hörmətə əsaslanan mütərəqqi milli mədəni və dini münasibətlər mövcud olub.
Məktəblilərin tolerantlıq mövzusunda ifa etdikləri şeir və mahnılar, göstərdikləri səhnəciklər tədbir iştirakçıları tərəfindən maraqla qarşılanıb.
Tədbirin sonunda “Biz birlikdəyik” adlı aksiya keçirilib. Belə ki, şagirdlər sülh rəmzi olan göyərçinləri açıq səmaya buraxıblar.