Azərbaycan Respublikası Təhsil Nazirliyi və Azərbaycan Respublikası Dini Qurumlarla İş üzrə Dövlət Komitəsinin “Təhsil müəssisələrində uşaq və gənclərin milli-mənəvi və ümumbəşəri dəyərlərə hörmət ruhunda tərbiyə olunması tədbirlərinin gücləndirilməsi haqqında” 2015-ci il üzrə birgə Fəaliyyət Planına əsasən Azərbaycan Respublikası Təhsil Nazirliyinin "Milli-mənəvi dəyərlər haqqında düşüncələrim" mövzusunda inşa yazı müsabiqəsinin keçirilməsi barədə 19.10.2015-ci il tarixli 1009 nömrəli əmrinin icrasını təmin etmək məqsədilə
ƏMR EDİRƏM:
1. Azərbaycan Respublikası Təhsil Nazirliyinin 19.10.2015-ci il tarixli 1009 nömrəli əmri icra üçün qəbul edilsin.
2.Bakı şəhəri ümumtəhsil məktəblərinin IX-XI sinif şagirdlərinin iştirakı ilə "Milli-mənəvi dəyərlər haqqında düşüncələrim" mövzusunda inşa yazı müsabiqəsi 2015-ci ilin oktyabr - dekabr ayları ərzində keçirilsin.
3.Müsabiqənin əsasnaməsi, təşkilat komitəsinin tərkibi təsdiq edilsin (əlavə olunur).
4.Məktəbdənkənar fəaliyyətin təşkili sektoru (A.Əzizov) müsabiqənin yüksək səviyyədə keçirilməsini təmin etsin.
5.Təhsil müəssisələrinin rəhbərləri təqdim olunan Əsasnaməyə uyğun olaraq müsabiqənin yerlərdə təşkili ilə əlaqədar lazımi işlər görsünlər.
6.Ümumi sektor (S.Rəsulova) əmrin əlavələrlə birlikdə çoxaldılıb yerlərə çatdırılmasını təmin etsin.
7.İctimaiyyətlə əlaqə sektoru (A.Tairquliyeva) əmrin icrası ilə əlaqədar keçirilən tədbirlərin kütləvi informasiya vasitələri tərəfindən işıqlandırılmasını və İdarənin internet saytında yerləşdirilməsini təmin etsin.
8.Əmrin icrasına nəzarət Bakı Şəhəri üzrə Təhsil İdarəsinin müdir müavini M.Kəsəmənliyə həvalə olunsun.
Əsas: Azərbaycan Respublikası Təhsil Nazirliyinin 19.10.2015-ci il tarixli 1009 nömrəli əmri.
Nazir müavini,
Bakı Şəhəri üzrə Təhsil İdarəsinin
müdir səlahiyyətlərini müvəqqəti icra edən:
Ceyhun Bayramov
Bakı Şəhəri üzrə Təhsil İdarəsinin
“___” ___________ 2015-ci il tarixli
___ №-li əmri ilə təsdiq edilmişdir.
Bakı şəhəri ümumtəhsil məktəblərinin IX-XI sinif şagirdlərinin
iştirakı ilə "Milli-mənəvi dəyərlər haqqında düşüncələrim"
mövzusunda inşa yazı müsabiqəsinin
ƏSASNAMƏSİ
I. Müsabiqənin məqsədi
Məktəblilərin milli-mənəvi və ümumbəşəri dəyərlərə hörmət ruhunda tərbiyə olunması.
II. Müsabiqənin təşkili və keçirilmə qaydaları
İnşa yazı müsabiqəsi Azərbaycan və rus bölmələri üzrə iki mərhələdə keçirilir:
I mərhələ (məktəbdaxili) – 1-10 noyabr 2015-ci il tarixlərində təhsil müəssisələrində.
II mərhələ (şəhər) – 16-18 noyabr 2015-ci il tarixlərində 42 nömrəli tam orta məktəbdə.
İnşa yazıdakı sözlərin sayı 250 - dən az olmamalıdır.
III. Qaliblərin müəyyənləşdirilməsi
İnşa yazılar 5 bal sistemi ilə qiymətləndirilir.
Məktəbdaxili yarışmada qalib gələn uşaqların inşa yazıları –hər məktəbdən yalnız 3 iş (IX sinif – 1iş, X sinif -1 iş, XI sinif -1 iş) növbəti mərhələdə iştirak etmək üçün hüquq qazanır və şəhər Təşkilat komitəsinə təqdim edilir.
Şəhər mərhələsi üzrə qalib gələn 10 şagird respublika mərhələsinə vəsiqə qazanır.
IV. Qaliblərin mükafatlandırılması
Qaliblər Bakı Şəhəri üzrə Təhsil İdarəsi tərəfindən diplomla mükafatlandırılır.
V. SİFARİŞ forması
İnşa yazı müsabiqəsinin I mərhələsinin qalibləri haqqında məlumat 13 noyabr 2015-ci il tarixinədək Bakı Şəhəri üzrə Təhsil İdarəsinin Məktəbdənkənar fəaliyyətin təşkili sektorunun elektron ünvanına mk@bakuedu.gov.az göndərilir.
"Milli-mənəvi dəyərlər haqqında düşüncələrim"mövzusunda keçirilən inşa yazı müsabiqəsinin şəhər mərhələsinin
Təşkilat komitəsinə
№ |
İştirakçıların adı, soyadı və atasının adı |
Təhsil müəssisəsi, sinif ( yaş) |
İnşa |
Ünvan, əlaqə telefonu |
|
Azərbaycan bölməsi
|
|
||||
Rus bölməsi |
|||||
1 |
|
|
|
|
|
2 |
|
|
|
|
|
3 |
|
|
|
|
|