Bakı Şəhəri üzrə Təhsil İdarəsi tərəfindən yeni tədris ilindən başlayaraq Bakı şəhərində rayonlar üzrə ayrı-ayrı məktəblərdə keçirilən səyyar qəbullar davam etməkdədir.

    Qeyd edək ki, növbəti səyyar qəbullar oktyabrın 2 - də Xəzər və Nizami rayonlarında keçiriləcək. Xəzər rayonu üzrə 117 №li məktəbdə keçiriləcək səyyar qəbula 117, 121,136,149,218, 326 №li məktəblərin müəllim və valideynləri müraciət edə bilərlər.

     Nizami rayonu üzrə 145 №li məktəbdə keçiriləcək səyyar qəbula isə 32, 145, 214, 229, 238 № li məktəblərin  müəllim və valideynləri müraciət edə bilərlər.

     Səyyar qəbullar saat 10:00 – da başlayacaq və vətəndaşların müraciəti bitənədək davam edəcək. Vətəndaşların qəbulunu həyata keçirəcək təşkilat komitəsinin üzvləri Bakı Şəhəri üzrə Təhsil İdarəsinin rəhbərliyi və struktur bölmələrinin üzvlərindən ibarətdir.

     Görüşlər vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətini artırmaq, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin olunması üçün sistemli iş aparmaq məqsədini daşıyır.