Bakı şəhəri 40 nömrəli Texniki Yaradıcılıq Mərkəzinin təşkilatçılığı ilə aprelin 13-də 280 nömrəli tam orta məktəbin akt zalında Zəlimxan Yaqubun yaradıcılıq gecəsi keçirilib. Tədbirdə şairin keçdiyi şərəfli ömür yolu vərəqlənib, zəngin yaradıcılıq xəzinəsinə müraciət olunub.
Tədbirddə məktəblilərin ifasında xalq şairinin şeir və poemalarından parçalar səsləndirilib, mahnılar ifa edilib. Daha sonra məktəblilər və təhsil işçiləri şairə ürək sözlərini çatdırıb, onların görüşünə gəldiyi üçün minnətdarlıqlarını bildiriblər.
Tədbirdə Suraxanı rayon İcra Hakimiyyəti başçısının müavini Sevinc Hüseynova, Suraxanı rayon Yeni Azərbaycan Partiyasının icra katibi Fərman Rəsulov, Azərbaycan Dövlət Mədəniyyət və İncəsənət Universitetinin professoru, xalq artisti Ağalar Bayramov, xanəndə Teyyub Aslanov və başqaları çıxış edərək söz ustadı Zəlimxan Yaqubun həyat və yaradıcılığından, ictimai fəaliyyətindən bəhs edib, ona can sağlığı, yeni yaradıcılıq uğurları arzulayıblar.
Sonda xalq yazıçısı Zəlimxan Yaqub görüş iştirakçılarına minnətdarlığını bildirib, yeni yaradıcılıq planlarından danışıb və tədbir iştirakçılarını maraqlandıran suallara cavab verib.