Aprelin 11-də 276 nömrəli məktəbdə Yaradıcılıq Mərkəzlərinin özfəaliyyət kollektivlərinin yarımillik baxış konsertinin I mərhələsi keçirilib. Tədbirdə 46 nömrəli Məktəbdənkənar Tərbiyə İşi Mərkəzi rəqs dərnəyinin üzvləri 2 nömrə ilə “Yallı” və “Polis marşı” ilə çıxış ediblər. Bu ifalar münsiflər heyəti və tamaşaçılar tərəfindən böyük maraqla qarşılanıb və bəyənilib.
Eyni zamanda aprelin əvvəlindən başlayaraq “Uşaqlar və Yol Təhlükəsizliyi Layihəsi”nə uyğun davamlı maarifləndirmə işləri aparmaq məqsədilə Mərkəzin uşaq avtoşəhərciyində “Yol nişanları əlifbasını birlikdə öyrənək!” devizi altında müntəzəm məşğələlər keçirilir. Aprelin 7-dən başlayaraq hər gün 164 nömrəli tam orta məktəbin bir ibtidai sinfi bu məşğələlərdə iştirak edir. Məşğələlərə Bakı Baş Polis İdarəsinin yetkinlik yaşına çatmayanlarla profilaktik işin təşkili bölməsinin və DYPİ-nin əməkdaşları da cəlb olunur. Bu günə qədər həmin məşğələlərdə 164 №-li məktəbin 1a, 1b, 1c, 1ç, 2ç siniflərinin 168 şagirdi iştirak edib.