Bakı Şəhəri üzrə Təhsil İdarəsinin tabeliyində fəaliyyət göstərən təhsil müəssisələrində müvafiq olaraq vakant və sosial məzuniyyət yeri olan təsərrüfat işləri üzrə direktor müavini/təsərrüfat müdiri, təlim-tərbiyə işləri üzrə direktor müavini, məktəbdənkənar və sinifdənxaric tərbiyə işi üzrə təşkilatçı vəzifələri üzrə işə qəbulun müsahibə mərhələsinə start verilir.

17, 18 və 20 noyabr 2023-cü il tarixlərdə müsabiqədə iştirak edərək tələb olunan bal həddini toplamış şəxslər topladıqları bal sıralamasına əsasən 2023-cü il 14 dekabrdan etibarən Bakı Şəhəri üzrə Təhsil İdarəsinə müsahibələrə dəvət olunacaqlar.

Müsahibənin təşkili barədə əsas qeydlər:

• Müsahibənin vaxtı haqqında məlumat namizədə əlaqə telefonu vasitəsilə veriləcək;
• Dəvət olunacaq namizəd müsahibədən uğurla keçmədikdə, müraciət edənlər arasından bal sıralamasına uyğun növbəti namizəd dəvət ediləcək;
• Sosial məzuniyyət yerinə təyin olunan namizədlər gələcəkdə vakant olan yerlərə müraciət edə bilər;
• Müsahibələr vəzifələr üzrə bütün vakant yerlər tutulana qədər davam etdiriləcək;
• Tələb olunan bal həddini toplamış, lakin vəzifə üzrə vakant yerlərin tutulması səbəbindən müsahibə növbəsi çatmayan namizədlər ehtiyat kadr bazasına yerləşdiriləcək;
• Namizədin topladığı bal (nəticəsi) 1 il müddətində etibarlıdır.