Fəaliyyət planının təsdiq edilməsi barədə Bakı Şəhəri üzrə Təhsil İdarəsinin müdirinin əmri
Təhsil müəssisələrində tərbiyə işinin tənzimlənməsində mövcud problemlərin aradan qaldırılması, ailə, məktəb və məktəbdənkənar müəssisələr arasında əlaqələrin genişləndirilməsi, uşaq, yeniyetmə və gənclərin bilik, bacarıq və qabiliyyətlərinin, yaradıcılıq potensialının müəyyənləşdirilərək daha da inkişaf etdirilməsi, asudə vaxtlarının səmərəli təşkili, habelə müxtəlif sərgi, müsabiqə, aksiya və festivallarda, idman və bilik yarışlarında, bayram şənliklərində bilavasitə iştirakının sistemli şəkildə həyata keçirilməsini təmin etmək məqsədilə
ƏMR EDİRƏM:
1.Bakı Şəhəri üzrə Təhsil İdarəsinin “Təhsil müəssisələrində tərbiyə işinin təkmilləşdirilməsi ilə əlaqədar 2015-ci il üçün Fəaliyyət Planı” təsdiq edilsin (əlavə olunur).
2.Bakı Şəhəri üzrə Təhsil İdarəsinin struktur bölmələri və təhsil müəssisələrinin rəhbərləri Fəaliyyət Planının icrasını təmin etsinlər.
3.Məktəbdənkənar təhsil sektoru (A.Əzizov) Fəaliyyət Planının icrası ilə əlaqədar tədbirlərin yüksək səviyyədə keçirilməsini və görülmüş işlər barədə ümumiləşdirilmiş arayışı hər ayın sonunda rəhbərliyə təqdim etsin.
4.Ümumi sektor (S.Rəsulova) əmrin və Fəaliyyət Planının çoxaldılıb yerlərə çatdırılmasını təmin etsin.
5. İctimaiyyətlə əlaqə sektoru (A.Tairquliyeva) Fəaliyyət Planının icrası ilə əlaqədar keçirilən tədbirlərin kütləvi informasiya vasitələri tərəfindən işıqlandırılmasını və İdarənin internet saytında yerləşdirilməsini təmin etsin.
6.Əmrin icrasına nəzarət müdir müavini M. Kəsəmənliyə həvalə edilsin.
Əsas: Müdir müavini M.Kəsəmənli və Məktəbdənkənar təhsil sektorunun müdiri
A.Əzizovun birgə təqdimatı.
Ceyhun Bayramov
Nazir müavini,
Bakı Şəhəri üzrə Təhsil İdarəsinin
müdir səlahiyyətlərini müvəqqəti icra edən
12.02.2015-ci il
