Əmrin icrası barədə
Azərbaycan Respublikası təhsil nazirinin “Azərbaycan xalqının Ümummilli lideri Heydər Əliyevin anadan olmasının 92-ci ildönümü ilə əlaqədar təhsil müəssisələrində keçiriləcək tədbirlər haqqında” 20 fevral 2015-ci il tarixli 203 nömrəli əmrinin icrasını təmin etmək məqsədilə
ƏMR EDİRƏM:
1. Azərbaycan xalqının Ümummilli lideri Heydər Əliyevin anadan
olmasının 92-ci ildönümünün təhsil müəssisələrində qeyd olunması ilə əlaqədar Bakı Şəhəri üzrə Təhsil İdarəsinin Fəaliyyət planı təsdiq edilsin (əlavə olunur).
2.Bakı Şəhəri üzrə Təhsil İdarəsinin müvafiq struktur bölmələri,
ümumi təhsil və məktəbdənkənar təhsil müəssisələrinin rəhbərləri Fəaliyyət planında nəzərdə tutulan tədbirlərin vaxtında və yüksək səviyyədə yerinə yetirilməsini təmin etsinlər.
3.Ümumi sektor (S.Rəsulova) əmrin əlavəsi ilə birlikdə çoxaldılaraq
yerlərə çatdırılmasını, İctimaiyyətlə əlaqələr sektoru (A.Tairquliyeva) Bakı Şəhəri üzrə Təhsil İdarəsinin internet saytında yerləşdirilməsini təmin etsinlər.
4.Əmrin icrasına nəzarəti öz üzərimə götürürəm.
Əsas: Azərbaycan Respublikası təhsil nazirinin 20 fevral 2015-ci il tarixli 203 nömrəli əmri
Ceyhun Bayramov
Nazir müavini,
Bakı Şəhəri üzrə Təhsil İdarəsinin
müdir səlahiyyətlərini müvəqqəti icra edən