Məktəblilər arasında hüquqi biliklərin artırılması, onların öz hüquqlarını tanıması, bu istiqamətdə istedadlı şagirdlərin aşkara çıxarılması məqsədi ilə
ƏMR EDİRƏM:
1.Bakı şəhərinin ümumtəhsil məktəblərinin VIII-XI sinif şagirdləri arasında 2015-ci ilin noyabr ayında “Hüquqlarımızı tanıyaq və qoruyaq!” mövzusunda inşa yazı müsabiqəsi keçirilsin.
2.Müsabiqənin əsasnaməsi, təşkilat komitəsinin tərkibi təsdiq edilsin (əlavə olunur).
3.Məktəbdənkənar fəaliyyətin təşkili sektoru (A.Əzizov) müsabiqənin yüksək səviyyədə keçirilməsini təmin etsin.
4.Təhsil müəssisələrinin rəhbərləri təqdim olunan Əsasnaməyə uyğun olaraq müsabiqənin yerlərdə təşkili ilə əlaqədar lazımi işlər görsünlər.
5.Müsabiqə qaliblərinin mükafatlandırılması ilə əlaqədar lazımi tədbirlərin görülməsi müdir müavini N.Səfərovaya tapşırılsın.
6.Ümumi sektor (S.Rəsulova) əmrin əlavələrlə birlikdə çoxaldılıb yerlərə çatdırılmasını təmin etsin.
7.İctimaiyyətlə əlaqə sektoru (A.Tairquliyeva) əmrin icrası ilə əlaqədar keçirilən tədbirlərin kütləvi informasiya vasitələri tərəfindən işıqlandırılmasını və İdarənin internet saytında yerləşdirilməsini təmin etsin.
8.Əmrin icrasına nəzarət Bakı Şəhəri üzrə Təhsil İdarəsinin müdir müavini M.Kəsəmənliyə həvalə olunsun.
Əsas:Təhsil müəssisələrində tərbiyə işinin təkmilləşdirilməsi ilə əlaqədar Bakı Şəhəri üzrə Təhsil İdarəsinin 2015-ci il üçün Fəaliyyət Planı.
Nazir müavini, Bakı Şəhəri üzrə
Təhsil İdarəsinin müdir səlahiyyətlərini
müvəqqəti icra edən Ceyhun Bayramov
Bakı şəhər ümumtəhsil məktəblərinin şagirdləri arasında
20 noyabr - “Ümumdünya Uşaq Hüquqları günü”nə
həsr olunmuş “Hüquqlarımızı tanıyaq və qoruyaq!”
mövzusunda inşa yazı müsabiqəsinin
ƏSASNAMƏSİ
I. Müsabiqənin məqsədi
Məktəblilər arasında hüquqi biliklərin artırılması, onların öz hüquqlarını tanıması, bu istiqamətdə istedadlı şagirdlərin aşkara çıxarılması məqsədi ilə inşa yazı müsabiqəsi təşkil olunur.
II. Müsabiqənin təşkili və keçirilmə qaydaları
İnşa yazı müsabiqəsi Azərbaycan və rus dillərində 2 yaş (VIII - IX, X - XI sinif) qrupu üzrə iki mərhələdə keçirilir:
I mərhələ (məktəbdaxili) – 1- 5 noyabr 2015-ci il tarixlərində təhsil müəssisələrində
II mərhələ (şəhər) – 15- 20 noyabr 2015-ci il tarixlərində 258 nömrəli tam orta məktəbdə
İnşa yazıdakı sözlərin sayı birinci yaş qrupunda 200-dən, ikinci yaş qrupunda 250- dən çox olmamalıdır.
III. Qaliblərin müəyyənləşdirilməsi
İnşa yazılar 5 balla qiymətləndirilir.
Birinci mərhələdə – məktəbdaxili yarışmada qalib gələn uşaqların inşa yazıları – hər yaş qrupu üzrə yalnız 1 iş növbəti mərhələdə iştirak etmək üçün hüquq qazanır və şəhər Təşkilat komitəsinə təqdim edilir.
İkinci mərhələdə yaş qrupları nəzərə alnaraq I, II və III yerləri tutan iştirakçılar qalib sayılır.
IV. Qaliblərin mükafatlandırılması
Qaliblər Bakı Şəhəri üzrə Təhsil İdarəsi tərəfindən diplom və hədiyyələrlə mükafatlandırılır.
V. SİFARİŞ forması
Qalib inşa yazıların müəllifləri haqqında məlumat 10 noyabr 2015-ci il tarixinədək Bakı Şəhəri üzrə Təhsıl İdarəsinin Məktəbdənkənar fəaliyyətin təşkili sektorunun elektron ünvanına mk@bakuedu.gov.az göndərilir.
“Hüquqlarımızı bilək və qoruyaq!” mövzusunda keçirilən inşa yazı müsabiqəsinin şəhər mərhələsinin
Təşkilat komitəsinə
№ |
Məktəbin nömrəsi |
İştirakçıların adı, soyadı və atasının adı |
Sinif ( yaşı) |
Ünvan və əlaqə telefonu |
1 |
|
|
|
|
2 |
|
|
|
|