Gürcüstan Respublikasının Batumi şəhərində Cüdo üzrə “Adjaria Kuboku” adlı Beynəlxalq turnir keçirilmişdir. Turnirdə Azərbaycan, Gürcüstan və Türkiyə ölkələrini təmsil edən 11 - 13 və 14 – 16 yaşlarında olan idmançılar özlərini sınamışdır.
Qeyd edək ki, Bakı şəhəri 14 nömrəli Uşaq - Gənclər İdman Məktəbinin komandası da bu turnirdə uğurla iştirak etmişdir. Belə ki, Beynəlxalq turnirdə iştirak edən 10 nəfər idmançıdan 8 nəfəri müxtəlif yerlərə layiq görülmüş, diplom və medallarla təltif olunmuşdur.
Bakı şəhəri 14 nömrəli Uşaq - Gənclər İdman Məktəbinin idmançıları Fariz Şıxəliyev və Xəyal Məmmədov rəqiblərinə qalib gələrək birinci yerə layiq görülmüşdür.
İdman Məktəbinin digər idmançıları Nihad Əliməmmədov və Qadir Qayıbov II, Sadiq Cəlalov, Kəmaləddin Səfərov, Teymur Klüçnikov və Dünyamin Mehdizadə isə III yerdə qərarlaşmışdır.