Bakı Şəhəri üzrə Təhsil İdarəsinin təşkilatçılığı ilə Dövlət Bayrağı Meydanı Kompleksi İdarəsi tərəfindən Bakı şəhər ümumtəhsil məktəblərinin pedoqoji və şagird kollektivlərinin Dövlət Bayrağı Muzeyinə ekskursiyaları təşkil olunur. Muzeydə açıq dərslər keçirilir, təhsil müəssisələrində muzey əməkdaşları tərəfindən milli atributların öyrədilməsi ilə bağlı mühazirələr oxunur.
Tərtib olunmuş xüsusi cədvələ uyğun olaraq təşkil olunan tədbirlərdə gənc nəslin vətənpərvərlik ruhunda tərbiyə olunması və dövlətçilik tarixinin öyrədilməsi əsas məqsəd daşıyır.
Cari tədris ilinin əvvəlindən müvafiq dövrədək şəhərin 17 ümumtəhsil məktəbi Dövlət Bayrağı Meydanı Kompleksi İdarəsinin xidmətlərindən yararlanmışdır.