Bakı şəhəri 39 nömrəli Texniki Yaradıcılıq Mərkəzində 12 Noyabr – Konstitusiya Gününə həsr olunmuş tədbir keçirilib. Tədbirdə Azərbaycan Respublikasının Konstitusiyasının yaranma tarixindən, Ulu öndər Heydər Əliyevin müstəqil Azərbaycanın ilk Konstitusiyasının yaranmasında göstərdiyi xidmətlərdən bəhs edilib.
Eyni zamanda Müstəqil Azərbaycanın Konstitusiyasının bölmə, fəsil, maddələri haqqında dərnək üzvlərinə məlumat verilib, onların sualları cavablandırılıb.
Konstitusiya Günü ilə əlaqədar mərkəzin dərnək üzvlərinin hazırladıqları səhnəciklər tədbir iştirakçılarına nümayiş olunub.
Həmçinin, Mərkəzdə Konstitusiya Günü münasibətilə rəsm sərgisi təşkil olunub və şahmat yarışı keçirilib.