Bakı şəhəri 94 nömrəli tam orta məktəbdə böyük Azərbaycan şairi Nizami Gəncəvinin 875 illiyinə həsr olunmuş  “Nizami  dünyasına səyahət” adlı ədəbi-bədii, musiqili  kompozisiya  keçirilmişdir.

       Tədbirdə Rusiya Federasiyasının Azərbaycan Respublikasındakı Fövqəladə və Səlahiyyətli səfiri Doroxin Vladimir Dmitriyeviç, Rusiya İnformasiya – Mədəniyyət Mərkəzinin direktor müavini Yakunina   Lyubov  Timofeyevna , Rus icması Sabunçu rayon təşkilatının sədri Pankina  Lyubov Semkayevna , Sabunçu rayon İcra hakimiyyətinin səlahiyyətli nümayəndələri Səkinə Həsənova, Məhəmmməd  Əsədov, Bakı Şəhəri üzrə Təhsil İdarəsinin əməkdaşları və məktəb direktorları iştirak etmişdir.

       Nizami Gəncəvinin 875 illiyinə həsr olunmuş tədbiri giriş sözü ilə  məktəbin direktoru   Şəmsəddin  Vəliyev açmış, görkəmli şairin  həyat və  yaradıcılığından, onun Azərbaycan klassik ədəbiyyatında  tutduğu mövqedən, Nizami irsinin öyrənilməsinin  əhəmiyyətindən  danışmışdır. Daha sonra   məktəbin    rus dili  və ədəbiyyat müəllimi  Gülnarə Əliyevanın  rəhbərliyi ilə  hazırlanmış  kompozisiya  nümayiş olunmuşdur.

       Sonda isə Rusiya Federasiyasının Azərbaycan Respublikasındakı Fövqəladə və Səlahiyyətli səfiri cənab Doroxin Vladimir Dmitriyeviç bu cür maraqlı tədbirin  Rusiya -  Azərbaycan dostluğunda əhəmiyyətini vurğulamışdır. Tədbirin yekununda qonaqlar və məktəb kollektivi  xatirə şəkli çəkdirmişdir.