Oktyabrın 14-də 232 nömrəli tam orta məktəbdə kurikulum və şagirdlərin qiymətləndirilməsi ilə bağlı valideynlərin maarifləndirilməsinə dair seminar keçirilib.
Seminarın təşkil olunmasında məqsəd valideynlərə kurikulumun tətbiqini və şagirdlərin qiymətləndirilməsi prosesini izah etməkdən ibarətdir.
Bildirilib ki, aparılan monitorinqin nəticələrinə görə, bir çox valideynin kurikulum və şagirdlərin qiymətləndirilməsi barədə məlumatı azdır.
Xəzər Universitetinin dekanı Elza Səmədli “Şagird nailiyyətinin formativ qiymətləndirilməsi” mövzusunda mühazirə oxuyub, valideyn və müəllimləri maraqlandıran sualları cavablandırıb.
Seminarda müəllimlər tərəfindən əvvəlcədən qiymətləndirmə üzrə meyarların hazırlanıb valideynlərə göndərilməsi və kiçik summativ qiymətləndirmədən sonra şagird nailiyyəti barədə valideynə məlumat verilməsi tövsiyə olunub.