17.01.2023

Əvvəlki illərdə təhsilini başa vurmayanların imtahan nəticələri

Bakı şəhəri üzrə keçirilən eksternat qaydasında aralıq imtahanlarının nəticələri açıqlanıb.

Əvvəlki illərdə ümumi orta (IX) və tam orta (XI) təhsil səviyyələrini başa vura bilməyən şəxslər üçün təşkil olunan imtahanlara hər iki səviyyə üzrə ümumilikdə 879 nəfər qatılıb. Onlardan 181 nəfəri uğur qazanıb.

Eksternat imtahanlarında ümumi orta təhsil səviyyəsi üzrə 47 nəfər, tam orta təhsil səviyyəsi üzrə 134 nəfər uğur qazanıb.

Növbəti mərhələdə Dövlət İmtahan Mərkəzi tərəfindən keçiriləcək buraxılış imtahanlarında iştirak edəcək eksternlər müvafiq olaraq ümumi orta və tam orta təhsil haqqında attestat ala biləcəklər.

Qeyd edək ki, eksternat təhsilalma formasının tətbiqi müxtəlif səbəblərdən ümumi orta və tam orta təhsil səviyyələrini başa vura bilməyən şəxslərə həmin səviyyələr üzrə buraxılış imtahanı verib müvafiq təhsil sənədi almaq üçün şərait yaratmaq məqsədi daşıyır. 


 

Ümumi və tam orta təhsil səviyyələri üzrə eksternat qaydasında aralıq imtahanlarında (Azərbaycan bölməsi) iştirak edən şəxslərin yekun nəticələri

 

Ümumi və tam orta təhsil səviyyələri üzrə eksternat qaydasında aralıq imtahanlarında (Rus bölməsi) iştirak edən şəxslərin yekun nəticələri