Məktəblilər arasında stolüstü tennis üzrə Bakı şəhər birinciliyi keçirilib.
Yarış Bakı Şəhəri üzrə Təhsil İdarəsinin (BŞTİ) tabeliyindəki 229 nömrəli tam orta məktəbdə təşkil edilib.
Paytaxtda oktyabrın 10-da keçiriləcək tennis üzrə respublika birinciliyinə hazırlıq çərçivəsində 11 yaşadək məktəblilər arasında təşkil olunan yarışda 20 oğlan və 18 qız mübarizə aparıb.
Birinciliyin nəticələrinə əsasən, oğlanlar arasında BŞTİ-nin nəzdindəki 229, 82 və 238 nömrəli tam orta məktəblərin şagirdləri müvafiq olaraq I, II,III yerlərə layiq görülüblər. Qızlar arasında isə BŞTİ-nin tabeliyindəki 228 və 229 nömrəli tam orta məktəblərin şagirdləri müvafiq olaraq I, III, Bakı Avropa Liseyinin yetirməsi II yeri tutub.
Qaliblər diplom və medalla təltif edilib.